التعاونيات المصرية
بوابة التعاونيات المصرية صوت الحركة التعاونية المصرية
الأربعاء 18 نوفمبر 2026 08:48 صـ 8 جمادى آخر 1448 هـ
رئيس التحريرمحمد جعفر
رئيس مجلس الإدارةخالد السجاعى
رئيس حزب «المصريين» يشاطر المستشار عبد الوهاب عبد الرازق في وفاة نجله رئيس الوزراء يشهد فعاليات افتتاح المرحلة الثانية من مجمع ”هاير مصر” الصناعي بمدينة العاشر من رمضان النشار يتفقد مطار سفنكس الدولي في جولة مفاجئة لمتابعة جاهزيته واستعداداته لاستقبال شركات طيران جديدة رئيس الوزراء يفتتح خط إنتاج التكييف المركزي (VRF) الجديد بمجمع هاير رسميًا.. رسوم وخطوات التقدم لامتحانات الطلبة المصريين في الخارج وزير الخارجية: 14 مليار دولار استثمارات الشركات المصرية بإفريقيا ونعمل على تعزيز نفاذ المنتجات للأسواق القارية وزيرة الإسكان تشارك في فعاليات «يوم الابتكار لإدارة المياه»| صور برنامج متكامل لصحة المرأة.. تفاصيل مذكرة التفاهم بين القومي للمرأة والمؤسسة العلاجية مصر لتأمينات الحياة تعلن عن نيتها طرح أسهمها في البورصة المصرية بحضور وزيري التموين والإسكان.. انطلاق النسخة الـ 19 من معرضي ”Ceramica Market” و”HOMEX” الخميس المقبل الجمارك: نعمل على تعزيز الربط الإلكتروني بين مصلحتي الجمارك المصرية والصينية البنك الدولي يحذر من تصاعد المخاطر الاقتصادية والمالية في الأسواق الناشئة جراء استمرار اضطرابات الشرق الأوسط

راضى خميس يكتب .. نحو تمكين الشباب

"الشباب هم أمل بكرة"... جملة سمعناها كتير، بس هل بقينا فعلاً أمل بكرة؟
وهل فعلاً خدنا فرصتنا نكون في الصفوف الأولى ونشارك في صنع القرار؟
الواقع بيتغير… بس لسه الطريق طويل، ومحتاج جهد ووعي ومسؤولية من الكل.

إحنا جيل عنده طاقة، وعنده أفكار، وعنده حلم كبير إن البلد دي تبقى أحسن، بس التمكين مش مجرد كلام أو صورة في مؤتمر، التمكين الحقيقي يعني:

إننا نشارك في صنع السياسات..إن رأينا يبقى ليه قيمة.. وإن كل شاب شغّال بضمير يلاقي اللي يقدر مجهوده ويفتحله السكة.

الشباب في كل مكان، بيشتغلوا في المبادرات، بيقفوا في الشارع يحلوا مشاكل الناس، بينزلوا الانتخابات، وبيقدموا أفكار بجد… بس علشان ده يستمر، لازم نكمل دعمهم، ونعرف إن تمكينهم مش "منّة"، ده حق.

السياسة مش شغل الكبار بس، ولا حكر على أصحاب المناصب.. السياسة مسؤولية… ووعي… وشغل أرض.
ولما الشاب يتكلم باسم منطقته أو أهله أو حتى حلمه، لازم يتسمع ويتحاسب زيه زي أي قيادي.

إحنا في مرحلة مفصلية… واللي مش هيستثمر في شبابه، هيخسر بكرة.. علشان كده، بنقولها بصوت واضح:
عايزين تمكين حقيقي… مش تمثيل مشرف .. عايزين نكون فاعلين… مش مجرد حاضرين.
وعايزين نحس إننا مش بس بنحلم بالتغيير… إحنا جزء منه..!!